-سَققَلی آغ آتامین بیر سَسینَه ، قوربان اوُلوم
آرخامیزدان گَلَن اوُ کُولگَسینَه ، قوربان اوُلوم
قورولوبدور اوُجاغی ، آخ نَه شیریندیر قوجاغی
اوُجاغیندا قورولان صُحبَتینَه ، قوربان اوُلوم
اِولَرین پایَه سی دی ، پیس گونومون دایَه سی دی
آللاهین روزی وِرَه ن آیَه سی نَه ، قوربان اوُلوم
حلال اوُلسون چوُرهَ گی ، وای نَه گِنیشدیر اورهَ گی
آتامین وِر اَلینَه آلمییان اوُ اَللَرینَه ، قوربان اوُلوم
قاش قاباخ هیرس هاواسی ، گاهدان اوُلاندا داواسی
مَنَه قاش گُوز آتان اوُ گُوزلَرینَه ، قوربان اوُلوم
قَدینَه قامَتینَه ، کِفلی اوُلان حالَتینَه
قُولی کیفلان اوُلان اوُ قووَسینَه ، قوربان اوُلوم
اَزیلَن حالیمَه بیر اَزدیرهَ ن اوُلسا ، آتادی
گُویلومون آلدیغی اوُ گونلَریمَه ، قوربان اوُلوم
سالیرام چوخ یادیما ، چوخ یِتیشیبدیر دادیما
آتامین گیزلین اوُلان غِیرَتینَه ، قوربان اوُلوم
بالایا سیرداش اوُلان اوُلسادا بیر کَس ، آنادی
آتامین قان اوتان اوُ سینَه سی نَه ، قوربان اوُلوم
اَللَری ناز اِلییَر ، بیر نازینان ساشلاریمی
ناز آلان ناز اِلییَن ناز چَکَنَه ، قوربان اوُلوم
بیلیرَم چوخ یِمَه دی ، هِچ مَنَه اوُ یُوخ دِمَه دی
وارینان هم یُوخونا باش اَییَه نَه ، قوربان اوُلوم
بالاسی گُوزلَری یُوللاردا قالان ، چُوخدی آتا
سَن گَلَن یُوللارین اوُ دُونگَسینَه ، قوربان اوُلوم

ZibaMatn.IR

ارسال شده توسط
دخت پاییز