بِرو عید گردشی اَی نو بَهاره...
زیبا متن: مرجع متن های زیبا کوتاه
امتیاز دهید
0 امتیاز از 0 رای
👌بِرو عید گردشی اَی نو بَهاره
بِلبِلِ خونِشه دِل بی قَراره
بِرو نیرس بَوین هوا چی لاره
کوه و دشت رِه بوین که سبزه زاره
وِشکو بَزو دار و چَردِه دَربیما
مِه یار چِه اِی خدا از سفر نیما
آی لاره لاره جان لاره لاره
اَگه نَوَّم تِرِه دِل وونه پاره
بِرو بسطام بَوین هوا چی خاره
اَجو چال رِه بَوین چی لاله زاره
دَشت و صحرا همه جا باصَفائه
هر کس رِه بَوینی کِناره یاره
این نیرس وبسطام چی سبز وخاره
مُبارَکا بَوو عید شِما هاره
آی لاره لاره جان لاره لاره
مِه وَر زِمستون و تِه وَر بهاره
شعراز:حسین صالحی
👈این شعردرواقع بصورت ترانه بر وزن آهنگ لاره سروده شده است.
ZibaMatn.IR
ارسال شده توسط